Përfaqësues i lartë i BE-së për Politikë të Jashtme, Josep Borrell, do të përballet me pesë sprova në postin e ri, duke përfshirë çështjen e marrëdhënieve Beograd-Prishtinë.

Siç shkruajnë mediat serbe, duke cituar gazetën britanike, “Financial Times”, Borrell, pasardhësi i Federica Mogherini, është gjithashtu duke pritur çështjet e Iranit, Venezuelës, Kinës dhe marrëdhënieve me Shtetet e Bashkuara, transmeton lajmi.net.

“Veterani spanjoll do të përballet me çështje nga Venezuela e deri në Ballkan në kohën e rënies së ndikimit të BE-së. Tensionet midis Beogradit dhe Prishtinës janë në rritje, pavarësisht ndërmjetësimit të BE-së”.

Po ashtu siç shkruan gazeta britanike, Borrell e cilësoi Rusinë si “një armik të vjetër”, sulmoi “politikën kauboj” të presidentit amerikan Donald Trump ndaj Venezuelës dhe u ankua se takimet e politikës së jashtme të BE ishin “lotët e luginës”.

“Përpara Borrell ekziston një provë e veçantë lidhur me Kosovën, ku ai do të jetë përgjegjës për ndërmjetësimin në një situatë ku marrëdhëniet midis Beogradit dhe Prishtinës janë gjithnjë e më komplekse”.

Tutje kjo gazetë shkruan se mandati i Borrellit si ministri i Jashtëm spanjoll ka qenë i vendosur të kundërshtojë pavarësinë e Katalonjës, ku ai u rrit.

“Kjo ngre pyetje rreth mundësisë për t’u parë si një ndërmjetës neutral, veçanërisht pasi Spanja është një nga pesë vendet anëtare të BE-së që nuk e njohin pavarësinë e Kosovës”, citon “Blici” serb shkrimin e FT.

“Ata që e mbështesin atë theksojnë se Borrell mund të ‘kthehet në avantazhin e tij’ për të qenë i ndjeshëm ndaj Katalonjës, pasi të dyja palët në mosmarrëveshjen ballkanike. Borrell me siguri do të punojë me vetëbesimin e politikanëve të karrierës dhe pa mungesë ambicie”.

Kur u pyet në qershor nëse do të pranonte një pozicion të lartë në BE, ai u përgjigj: “Ky është vetëm kulmi”.